چیمپئنز ٹرافی،اس بار ایک قدم آگے جاکر ایونٹ جیتیں گے، کپتان جنوبی افریقا

لاہور(پی ایم این/سپورٹس رپورٹر)کپتان جنوبی افریقا کرکٹ ٹیم ٹیمبا باوومانے کہاہے کہ چیمپئنز ٹرافی میں اس بار ایک قدم آگے جا کر ایونٹ جیتیں گے، نوجوان کھلاڑیوں سے فائدہ اٹھانے کی کوشش کرینگے۔

ٹیمبا باووما نے لاہور میں پریس کانفرنس میں کہا کہ میچ سے قبل دیکھیں گے کہ کنڈیشن کیسی ہیں، اگر دونوں اسپنر کھلانے کی ضرورت پڑی تو دونوں کو چانس دیں گے۔

انہوں نے کہا کہ بدقسمتی سے نوکیا ٹیم سے باہر ہوگئے ہیں ان کی کمی محسوس کریں گے، کوربن بوش کے آنے سے ٹیم کو فائدہ ہوگا، وہ ایک اچھے کھلاڑی ہیں۔

ٹیمبانےکہاکہ ہمارے نئے کھلاڑی زیادہ تجربہ کار نہیں اور ہمارے بولرز مختلف طرح کے ہیں، جس سے فائدہ اٹھانے کی کوشش کریں گے۔

ٹیمبا باووما نے کہا کہ اگر بولرز نے اچھا ردھم حاصل کرلیا تو ہماری ٹیم کیلئے بہترین ہوگا، پاکستان اپنے ہوم کنڈیشن میں بہت اچھی کرکٹ کھیلتی ہے، پاکستان کیخلاف ہوم سیریز کھیل کر آئے ہیں جس کا ہمیں فائدہ ہوگا۔