حکومت کا ڈیجیٹل پرائز بانڈ متعارف کرانے کا فیصلہ

اسلام آباد(پی ایم این) حکومت نے ڈیجیٹل پرائز بانڈ متعارف کرانے کا فیصلہ کر لیا ہے، جس کے ذریعے تمام لین دین موبائل ایپ کے ذریعے ممکن ہوگا۔ وزارت خزانہ کے ذرائع کے مطابق، یہ اقدام معیشت کو دستاویزی بنانے اور مالیاتی شفافیت بڑھانے میں مددگار ثابت ہوگا۔

ڈیجیٹل پرائز بانڈز کی بدولت چوری، نقصان یا ضیاع کے خطرات کم ہو جائیں گے، جبکہ انعامی رقم پر ٹیکس لاگو ہوگا، تاہم زکوٰۃ اس پر نافذ نہیں ہوگی۔ ابتدائی طور پر 500 روپے، 1000 روپے، 5000 روپے اور 10,000 روپے کے ڈیجیٹل پرائز بانڈز جاری کیے جائیں گے۔

پاکستانی شہری نیشنل سیونگز موبائل ایپ یا دیگر مجاز چینلز کے ذریعے یہ بانڈز خرید سکیں گے، جبکہ خریداری کی ادائیگی لنک شدہ بینک اکاؤنٹ یا سی ڈی این ایس بچت اکاؤنٹ کے ذریعے کی جائے گی۔

.حکومت نے فیصلہ کیا ہے کہ ڈیجیٹل پرائز بانڈز کی قرعہ اندازی ہر تین ماہ بعد کی جائے گی، اور خریدار اپنی خریداری کے وقت کسی نامزد شخص کا تعین بھی کر سکیں گے