ایچ بی ایل پی ایس ایل9: لاہور قلندر کا کراچی کنگز کو 178 رنز کا ہدف

کراچی: (پی ایم این) لاہور قلندرز نے پہلے کھیلتے ہوئے کراچی کنگز کو جیت کے لئے 178رنز کا ہدف دے دیا۔

لاہور قلندرز نے مقررہ 20 اوورز میں 5 وکٹوں کے نقصان پر 177 رنز بنائے، لاہور قلندرز کی جانب سے عبداللہ شفیق 55 اور فخر زمان 54 رنز بنا کر نمایاں رہے، ڈیوڈ ویسا نے 24 اور سکندر رضا نے 22 رنز بنائے، کراچی کنگز کی جانب سے زاہد محمود نے 2 وکٹیں حاصل کیں۔

لاہور قلندرزسکواڈ

فخر زمان، طاہر بیگ، عبداللہ شفیق، شائی ہوپ (وکٹ کیپر)، سکندر رضا، احسن حفیظ بھٹی، ڈیوڈ ویز، شاہین آفریدی (کپتان)، جہانداد خان، زمان خان، طیب عباس شامل ہیں۔

کراچی کنگز سکواڈ
جیمز ونس، ٹم سیفرٹ (وکٹ کیپر)، شان مسعود (کپتان)، شعیب ملک، کیرون پولارڈ، عرفان خان نیازی، انور علی، عرفات منہاس، حسن علی، زاہد محمود، بلیسنگ مزاربانی ٹیم کا حصہ ہیں۔