پنجاب پولیس کے حساس علاقوں میں ڈیوٹی کرنیوالے افسران کیلئےاچھی خبر

  پنجاب پولیس کے حساس علاقوں میں ڈیوٹی کرنے والے افسران کے لیے خوشخبری، پولیس حکام نے افسران کی حفاظت کے لیے 21 بلٹ پروف سنگل کیبن ڈالے خرید لیے ہیں۔

پولیس حکام کے مطابق، ان تمام ڈالوں کی قیمت 19 کروڑ 20 لاکھ روپے ہے اور ہر ایک ڈالے کی قیمت 91 لاکھ روپے رکھی گئی ہے۔

یہ ڈالے پولیس افسران کو بہتر حفاظتی سہولت فراہم کریں گے۔ حکام کا کہنا ہے کہ خریدے گئے تمام ڈالے بلٹ پروف ہوں گے اور ان کا بلٹ پروفنگ کا عمل جاری ہے۔ جیسے ہی بلٹ پروفنگ کا عمل مکمل ہوگا، یہ تمام ڈالے متعلقہ افسران کے حوالے کر دیے جائیں گے۔

اس کے علاوہ، پولیس حکام نے مزید 52 سنگل اور ڈبل کیبن ڈالوں کی خریداری کا اعلان کیا ہے، جو حساس علاقوں میں ڈیوٹی دینے والے افسران کے لیے فراہم کیے جائیں گے۔