آرمی چیف کی طرف سے خط کا ’’صاف‘‘ جواب ہی سمجھا جائے ، رانا ثناء اللہ

ان کا کہنا تھا کہ میں نے کبھی کسی دور کے صابر مٹھو سے ملاقات نہیں کی، 2016 میں صابر مٹھو ہمارے جونیئر تھے اور لوگ ان کے در پر جاتے تھے، لوگ صابر مٹھوں کو ملتے تھے تو اُلٹے پاؤں واپس آتے تھے، مجھے کہا گیا تھا صابر مٹھو کے پاس جائیں تو آپ کو ریلیف مل سکتا ہے لیکن میں نہیں گیا، کسی کے پاس گاڑی میں لیٹ کر جانے والی بات درست نہیں۔

انہوں نے کہا کہ میں نے نہیں کہا کہ ججز کے خلاف ریفرنس دائر کر رہے ہیں ، کہا تھا ریفرنس دائر ہوسکتا ہے، میں نے ججز کو ڈرانے کی کوشش نہیں کی ، میری رائے میں یہ مِس کنڈکٹ ہے، بینچ بنانے کا اختیارہم نے اپنے پاس نہیں رکھا ، حکومت اور ججز کے 5،5 ووٹ ہیں، میرا نہیں خیال کہ ججز کے خلاف ریفرنس فائل ہونا چاہیے۔

ان کا مزید کہنا تھا کہ چیف جسٹس یحییٰ آفریدی کبھی کسی کے دھڑا نہیں بنے ، ہمارا کیسے بنیں گے؟ ، ان کے ساتھ جو 2 سینئر ترین ججز تھے وہ گروپنگ میں ملوث تھے، ان دونوں میں سے کسی کا چیف جسٹس بننا گروپنگ کو تقویت دیتا، جو گروپنگ کاحصہ نہیں تھے انہیں ہی چیف جسٹس بنایا جانا مناسب تھا۔